Atas permintaan pemirsa maka Sinetron ini kita tayangkan kembali.
Oke.., mainkan. Buka layar. Oee.. Buka layar i. Dang boi. Bah, tarik. Dang boi, sangkot. Akhh.. maup timba ke dolok. Dang beres seksi layar on. Nga nidok layar ni NH dipinjam, dipinjam sprei ni Nai Ogol, i pe dang dicucci, terpampang ma peta sumatra.
Gulung, gulung ma tu ginjang.
Ok.., mainkan..
"CILUUU...K BAHH.. MMMUUUAA..."
Hea ma tingki liburan Paskah, mulak ma sude ianokkon ni Oppung Ogol.
Di bot ni ari laho mandapothon borngin, biasana kan, angka ina di dapur markombur kombur, adong na mangalompa, adong namanussi. Angka ama di ruang tamu marsarita i, mangolu tipi alai dang adong na manonton ala tabo ni manghatai. Angka dakdanak marmeami, marikati tu jolo, marikati tu pudi. I do kan..?
Ro ma si Enjel, i ma tinodohon ni si Ogol tu abingan ni Oppungna doli. Maraek celana ni pahompukkon inna rohana, "basah nanna mu pung, pipis Enjel ya. o inang parumaen..., ganti hamu saluar ni pahompu on" inna Op Ogol on.
Nai Ogol lagi manggoreng bumbu jagal, hatop hatop ma ibana tu kamar, dibuka ibana tas, pintor dibuat saluar on pintor kaluar sian kamar unang sanga gosong na hugoreng an inna rohana.
"gantihon hamu jo Amang, so sanga gosong na hulompa an" inna Nai Ogol on tu Oppung Ogol sambil dilean saluar on.
"Enjeeell... sini ganti nanna" inna Oppung Ogol. "hi hi hi.." mengkel si Enjel on marikati mandao lao tu balik ni horden pintu kamar.
"ciluuuuk... bah..., mmmmuuaa...." inna Oppung Ogol on, ditutup dibuka bohina on dohot salauar on,
"hmmm... nanna Enjel harummmmm... mmmuaaa... mmuaaa..." inna Oppung Ogol on huhut di umma i ibana salauar on.
"hik hik hik... ciluuk bah..." inna si Enjel sian balik horden sambil mengkel engkel.
Sai songon i ma marulak ulak, "Enjeeel... ganti nanna boyu..." inna Nai Ogol sian dapur sambil mangalompa jagal.
Ro ma si Enjel, di dapothon ma Oppung na i,
"ciluuukkk... bahh, mmmuaaa...." inna Oppung na on ma muse dibahen tubohina huhut sai di ummai salauar on.
"ganti nanna ya Enjel, pahompu yang santik" inna Oppung Ogol on, dibuka ma lipatan ni salauar on laho mamakkehon tu si si Enjel Pahompu na on.
Tarsonggot ma Oppung Ogol jala tarhatotong dung dibuka ibana lipatan ni salauar on. Segitiga sama kaki berukuran besar inna roha na.
"bohhghhh.... besar kali nanna mu Enjel... Ai balga ma saluar ni Pahompu on Inang Parumaen..." inna huhut geleng geleng kepala.
"hi hi hiiikkk... nanna mama tu pung" inna si Enjel on huhut mengkel, dilanja lanja si Enjel ma segi tiga sama kaki i tu dapur.
Manggolap portibi dibereng Nai Ogol.
