Nai Ogol: "Bah.. ai borngin ma ho eda? Ai na sian dia do ho?"
Nai Polibex: "Ehee dapuang.. napatoho aek do au sian saba an.. dapuang, manirabuni au nasogot, hape dapuang songgot ma rohakki, nga di tolbahi gadu gadukki, apala tuhap ma sude sirabuni tu saba ni nai Billem i. ueee tahe sampulu onom taon ma iba sabalok, holan bada ma pinaadop adop, sosuda ari anggo so masisalikan, anggo Nai Billem on tahe… gadu gadu ipe, bereng eda ma, nga di eak i tolu suan".
Nai Polibex: "ai ahama dohononmu tu au eda, alai hata so pisik ma on ate, Ai songoni pe Nai Billem i, so aha dapotna.. so mamora, apala sude do bilak… nga golap utangna.. ido pe sahat eme di jabu, nga ro parsuhat, udurma angka partunggu.. ai nantoari hubereng do ibana kaluar sian jabu ni Oppu si Longgot, ba namarsali ma i… toho ma nian sibola huta Nai Billem on ate?"
Nai Polibex: "Tolema i… sai nihataan jolma, hape na diibaon pe so boi hatutupan" (Huhut marhosa ganjang)
Nai Ogol: "Bah… boasa dohononmu songoni? Ho nama eda na toho namangoluon.. nga simpan angka gellengmu, halak ito Kapala Desa, godang do horbom, haumam godang do.. satonga nama portibi on di ho.!!"
Nai Polibex: "Aha na so dohononmu edakku… ho do na toho namangolu on, tattara gellengmu, parpajak, menejer, parumaenmu si suntik hae hae, helam mantari"
Nai Ogol: "Idagee.. edakku!! na apala di hatai ho mai… sabbor do nipikku namarparumaen on, marbada do hami na bulan nasalpu dohot parumaenta Nai Olo"
Nai Polibex: "Bah ba.ba.ba… alani aha i?"
Nai Ogol: "Sun do tuit ni Nai Olo on dapuang…, bais, teal makkatai… na hu pissang do, asa unang ma sai di tuhori jahir, pora pora molo tu onan… hudok tahe asa gulamo i manian dipaotik otik, haru dolok pe masursur do. hape pittor si bolison, ba hujanggola ma attong, masijanggolahan ma hami. dung pe ro Amani Olo, lalu tangan ma ibana, jadi nuaeng nga dipaulak tu inongna, asa diajar jo boruna i"
Nai Polibex: "Amang tahe ate.., jolma sisonari on… na di hata ho ma i eda.., diingot ho do tahe na ro manggokkon ibotonta na minggu nasalpu i?"
Nai Ogol: "Amani Sangkut do? na pangoli anak i?"
Nai Polibex: "Oloooo…. ia balga ni pesta na i… baltuk attong horung horung ni eda Na Sangkut hera rante ni biang, golang na pe hera giring giring, kurabuna nasa dasardasar, marsuji Palembang, songoni parumaen na i, marsipatu jikkal na rara, marselak nabalau, hape dapuang sude do hape imitasi"
Nai Ogol: "ah.., ai ho nian eda… sian dia dibotoho?"
Nai Polibex: "Eheee.., napajumpang do au dohot Nai Sangkut di onan, sai tumatangis dijolo ni Toko Mas, ai nadiutang do hape sude lao tu ulaon i, pinahan pe so digarar sahat tu saonari, tenda, parmusik sude dope diutang, naeng ditulak ma mas na on, ima na dileon anak nai, hape dang lakku, imitasi inna par mas i"
Nai Ogol: "Amang tahe…. ai hubege denggan do karejoni parmain nai? ai di USU, ninna do molo dang sala au, bah pinomat dosen ninna roha ma."
Nai Polibex: "Ehhhh nasarupa ma ho dohot Nai Sangkut, ai do tong didok rohana, hape asa diboto ho eda.. manjaga kantin do hape di USU borua on…. ala godang ma utang ni si Sangkut, dang targararna, ba di oli ma… alai nga leleng haroa halakon naung mardongan…. ho majo naeng eda? Na minggu nasalpui dope naung marbogas… ehhhh nabodari nga ro taleponna… nga sorang si butet inna…"
Nai Ogol: "agoiiii amanggggg…. nga tung dilompa hape pakkilalaan ni Nai Sangkut i ate?"
Nai Polibex: "Eheee…nga sai be i… mulak majo au eda..
Nai Ogol: "Haru tudia ho eda?? Amani Polibex pe so mulak dope ra sian Lapo.."
Nai Polibex: "Anggo i eda, parekkelon ni huting i nama i, molo mulak jom nasa on, anggo so jolo golap diida so mulak i, ai hea do songoni, rap tenggen dohot Amani Dangol, ba mulak ma ninna halaki marsipataru taruan.. ala nga tenggen, mangalakka dua lakka, mundur lima lakka, mangalakka tolu lakka mundur onom lakkka… manogot nai di bereng jolma ma halak i, nga di huta ni halak, renges di lobu ni pinahan ni jolma…… ah mulak majo au eda, naeng manontton au, ai hupaihut ihut do barita ni na dihukum mate i, "
Nai Ogol: "Ohhh ido.. tolema. ai au pe manonton nama on, ai hupaihut ihut do serita ni joda akbar
