Pada suatu hari...
Si Polibex mangan sambil pesbukan, atau pesbukan sambil mangan. Dos do i tahe..? Dos do ra ate..,
Tingki lagi asik si Polibex mambalas komen, dung sae dibalas ibana, tarsonggot ma ibana, dang adong be ikkan di piring na. Bahh.., sial na i, mago ikkan, inna rohana. Dibereng ibana huting asik mangallang ikkan. Huting hurang ajar inna rohana.
"Ompuuung..., hubalongkon nama huting mon, ditangko ikkanku" inna si Polibex on tu Ompung na.
"aha do inna babam, holan huting i nama dongan donganku jolma haluang, dohot pinggol mi pe boi do mago molo dang dijaga ho, mangan pe ho sambil mamisat misat enpon" inna Ompong Polibex on sambil pahusor husor suntil.
Diam diam marsogot na i, dibuat si Polibex ma huting on, ditaruhaon ma tu gang sebelah, dibahen ibana huting i tu halaman marpagar. Dung sahat ibana di jabu, tarsonggot ibana, nga parjolo sahat huting i. "Ompung.., sadihari do sahat hutingmu on, nga hutaruhon tu gang na dibaribaan" inna ibana tu Ompung na i huhut sai heran ibana. "bahh.., dang huting na oto i, songon loak mi" inna Opong na on.
Marsogot na i, ditaruhon ibana muse huting i. Di pado ibana ma, adong hira hira 10 gang. Dibahen ibana huting i tu halaman ni halak na marpagar tembok.
Dung sahat ibana di jabu, tarsonggot muse ibana, nga parjolo sahat huting i. "bah.., parjolo muse sahat hutingmu on Ompung, hape nga dao hutaruhon" inna ibana tu Ompung na on. "huting ompung..., huting pintarrrrr" inna Ompung na on.
Marsogot na i, dipamasuk ibana huting i tu palastik na birong, asa unang dibereng huting i dalan inna rohani si Polibex. Dipinjam ibana ma becca ni tetangga, diboan ibana ma huting on, masuk gang, keluar gang, masuk gang keluar gang. Mampus ma ho huting parsili, inna rohana huhut didayung ibana becca on masuk gang keluar gang masuk gang keluar gang. Songon i ma torus kaluar masuk gang.
Nga boi on inna rohana, dibuat ibana ma huting i, dibuka ma dohot palastik na i. Dipeak hon ibana ma huting i di dalan i.
Didayung ibana ma becca i dengan santai sambil bersiul siul. Dung adong hira hira 2 jom tompu ma so siul siul na i, dang marna sahat inna rohana, bingung ibana, dang diboto dalan mulak, nga lilu alias nyasar.
Dienfon ibana ma Ompung na;
Polibex: "halo Ompung"
Op Polibex: "ai aha i?"
Polibex: "nga di jabu hutingmu?"
Op Polibex: "nungnga, nion lagi mangan"
Polibex: "nga kesasar ahu Pung, dang huboto dalan mulak, sungkun jo hutingmu i, sian dalan dia ibana mulak"
Op Polibex: "ho ma mungkun. Meong manis, Polibex loak mau bertanya" (dibahen enpon tu pinggol ni huting i).
