******
ALANI DRAMA NATAL PERDANA ******
Taringot au uju kalas tolu SD dope, dohot ma au
gabe pemain drama tikki natal di Katholik Martoba.
Jadi au sebagai pemeran utama muse, ima sebagai
pahoppu ni nappuna handang na gabe inganan hatutubu ni SIPALUA I, jala au ma
antong namangido tu oppung hu asa dilehon inganan i tu si Josep dohot si Maria.
Jadi goar hu tikki drama i ima si Alexander,
jala ala marbahasa Indonesia do drama on... bahhh... bohama... bahasa Indonesia
niba pe attong margambo-gambo do... jadi ala sering
do au manggora oppung hu di drama i.... kakeeeekk... jala aksen na huruf
"k" na parpudi i di kata "kakek" songon na tegas do attong
binaen, gabe sai mekkel do akka na menonton i ala ni logat i.
Jadi dung pas taon baru, lao ma au tujabu ni dongan
hu si Pardomuan Aruan, jala holan sahat au disi, pittor ro ibotona na margoar
si Dormina mekkel-ekkel tu au jala didok :
"Ai jago ma ho arnold na mardrama i baahh...
alai un jago dope logat mi baahh.. kakeeekkkk...!!" ninna ibana huhut sai
mekkel.
"Ai ise do tahe goar mu tikki na mar drama i
?" ninna ibana manukkun.
Songgot rohakku tikki i, ala takkas do huboto goar
hu tikki mar drama i sarupa tu goar ni bapa na... ujung na gabe leleng asa
hualusi.
"Dang di ingot ho ise goar mu ?" ninna
ibana muse.
"Aggaiamaagg... boha na ma on ?, hudok annon
goar asli na i... bahhh ... muruk ma annon kakak on.." inna rohak ku.
"Ise do arnold goar mi..." ninna songon
na mendesak.
Jadi ala tikki i tung hailaon bolon do molo nigoar
an natua-tua ni dongan, gabe nikku ma mangalusi :
"si... si... ka... si kakeeekkk...!!"
Laos mekkel-ekkel ma ibana dohot sude na umbege sa,
ala markode do attong namboru omak ni halaki, jadi godang do akka dongan
dakdanak disi.. ujung na mulai ollat ni i, gabe si kakek ma goar hu dijou
sahuta.
Molo goar asli na di drama i gabe hubaen ma si
Alexander, na sarupa tu goar ni bapa ni kak Dormina...
